مشاهدة النسخة كاملة : أيــــآآم حـــلـــوة


ميموو
2010-12-07, 04:22 PM
:

:

:

:

:

:

ياااااااااااااااالله يا هاييج الأيام

:

البيت عدال البيت

و البيبان مشرعه

و لفريخات يتراكضون في لفريج

الحافي و اللي لابس نعاله

النظيف و إللي امجع شعره

الخواف و إللي مسوي عمره زعيم و لازم الزعيم في كل الفرجان اسمه (بوب) ليش مادري http://aluae.net/vb/images/smilies/seq/sm192.gif خخخخخخخخخخ

البنات و الأولاد يلعبون مع بعض لا بوك و لا بو الشيطان و لا قالوا فرقوهم و مب زين

عاد و إللي جدام بيتهم كنكري ترا هاييل هاي هاي عاد إذا صبة سميت لاااا هذيل مسكتين و البجايا رمل جدام بيتهم لا و يخمونه بعد

الفريج نظيف و كل واحد يعرف الثاني

و عاد إن يا الليل نتوقع تقطع الكهربا http://aluae.net/vb/images/smilies/seq/sm203.gif و هاي عنا اللحظه السعيده عشان نسير نشتري شمع و ندور و أمهاتنا فديتهن ميلسات ورا البيوت مسويلهن هاييج البرزه الفنانه

و كله كوم و يوم حق الليله (قرقيعان) كوم ثاني

الفيمتو الغاوي مسواي في الجدر و يصبولنا إياه بخاشوقة المرق العوده

و ندور بأجياسنا و يللا عاد جان شافونا الأولاد طرطرو أجياسنا و صرقوا من عنا و نرد البيت شكايات http://aluae.net/vb/images/smilies/seq/sm202.gif يحليلنا

و عاد رمضان غير و غير نرد من المدارس و نبند الليتات و نشغل الكنديشن و نحط على برنامج حروف و يوم يخلص نشوف كاتولي و لا سانشيرو و لا و لا من رسومنا الغاوي مب ألحين كله تجتيل و غباء http://aluae.net/vb/images/smilies/seq/sm178.gif

لااااا و في الأيام العاديه لازم مصروف العصر ريالين و نطير الدكان http://aluae.net/vb/images/smilies/seq/sm180.gif و عنا الريالين اييبولنا الدكان كله ألحين اميه ما تكفيهم و يزمطون و يقولون بعد نبا ما يكفي http://aluae.net/vb/images/smilies/seq/sm181.gif

الله يرحم أيام زمااااااااااااااااان

و على هذا كله

ناجحين و مجتهدين و حتى لو أمهاتنا جاهلات ما يعرفن يفجن الخط بعد ناجحين و متفوقين

ألحين مدارس أشكال و ألوان و مناهج خربطان و بعد بالدز

وين أيامنا

فديت هاييج الأيام

:

:

و لا شو رايكم http://aluae.net/vb/images/smilies/seq/sm203.gif

Adsense Management by Losha